28ஆவது அகவையில் பெருமையுடன் நடத்தும்

4ஆம் புலம்பெயர்ந்தோர் தமிழ்க்கல்வி மாநாடு – 2026

ஜூலை 3, 4 & 5 – 2026

அண்ணா நூற்றாண்டு நூலகம், காந்தி மண்டபம் சாலை, கோட்டூர்புரம்,

சென்னை, தமிழ்நாடு 600085, இந்தியா.

மாநட்டு நிகழ்சசி நிரல் | Conference Program Schedule

புலம்பெயர்ந்தோர் தமிழ்க்கல்வி மாநாடு 2026

DIASPORA TAMIL EDUCATION CONFERENCE 2026

உலகத் தமிழ்க் கல்விக்கழகம்

தேமதுரத் தமிழோசை உலகெங்கும் பரப்பவும் இளைய தலைமுறைக்குத் தங்கள் வேர்களை அடையாளம் காட்டவும் நிறுவப்பட்ட “கலிஃபோர்னியா தமிழ்க் கல்விக்கழகம்”, இன்று “உலகத் தமிழ்க் கல்விக்கழகமாக” வளர்ந்துள்ளது.

உலகத் தமிழ்க் கல்விக்கழகம் 1998 இல் நிறுவப்பட்டது. இது புலம் பெயர்ந்த தமிழர்களின் குழந்தைகளுக்கும் இளைஞர்களுக்கும் தமிழ் கற்பிப்பதை முதன்மை நோக்கமாகக் கொண்டுள்ளது. எங்கள் பள்ளிகளில் உள்ள அனைத்து ஆசிரியர்களும் அமைப்பாளர்களும் தமிழ் மொழியின் மீது ஆர்வமுள்ள தன்னார்வத் தொண்டர்களாவர். தமிழ் கற்றலில் இளைய தலைமுறையினரின் தேவைகளை நிறைவு செய்வதையும் நோக்கமாகக்கொண்டு செயல்படுகிறோம். மாணாக்கர் ஒரு கல்வியாண்டின் முடிவில் மொழித் தர மதிப்பீட்டின் ஓர் நிலையிலிருந்து அடுத்த நிலையினை அடைகின்றனர். நாங்கள் அனைவரும் உலகத் தமிழ்க் கல்விக்கழகத்தின் அங்கமாக இருப்பதில் பெருமை கொள்கிறோம்.

உலகெங்கும் வாழும் தமிழர்கள் தமிழை எளிமையாகக் கற்கவும், கற்பிக்கவும், கற்றவைகளைப் பகிர்ந்து கொள்ளவும், உலகெங்கிலும் உள்ள அனைத்துத் தமிழ்க் கல்வியாளர்களுடன் இணைந்து உலக தமிழ்க் கல்விக்கழகம் புலம்பெயர்ந்தோர் தமிழ்க்கல்வி மாநாட்டை நடத்தி வருகிறது.

பங்கேற்பாளர்கள்

தமிழ் அறிஞர்கள்

பயிற்சிப்பட்டறைகள்

விளம்பரதாரர்கள்

மாநாட்டின் மையக்கரு

அயலகத் தமிழ்க் கல்விக்கான பொதுவான தர நிலைகள்

தொழில்நுட்பத்தையும் செயற்கை நுண்ணறிவுத் திறனையும் ஒருங்கிணைப்பதனால் மொழி கற்பித்தலில் குறிப்பிடத்தக்க மாற்றங்கள் நிகழ்ந்து வருகின்றன. புலம்பெயர் தமிழ்க் கல்வி மாநாடு 2026, தமிழ்க் கல்வி வளர்ச்சிக்குத் தேவையான தொழில்நுட்ப முன்னேற்றங்களை ஆராய்வதை நோக்கமாகக் கொண்டுள்ளது. மனித கல்வியாளர்களின் முக்கியத்துவத்தை புறக்கணிக்காமல் இயந்திர நுட்பங்களைக் கவனமாகப் பயன்படுத்துவதே நாம் எதிர்கொள்ளும் குறிப்பிடத்தக்க சவாலாகும். மேலும் பல்வேறு கற்றல் திறன்களைக் கொண்ட மாணவர்களுக்கும் பயன்படக்கூடிய கற்றல் உத்திகளை கண்டறியும் முயற்சியையும் இம்மாநாடு மேற்கொள்கிறது. பேச்சுத் தமிழின் முக்கியத்துவம், நவீன மதிப்பீட்டு முறைகள் மற்றும் தரப்படுத்துதல் ஆகியவற்றில் உள்ள தேவைகள், மாற்றங்கள் ஆகியவற்றின் ஆராய்ச்சியையும் இந்த மாநாடு கவனத்தில்கொள்கிறது. இவை அனைத்தும் வகுப்பறையில் தமிழாசிரியரின் தேவையை உறுதிப்படுத்துகின்றன. மேற்கண்ட குறிக்கோள்களை மையமாகக் கொண்டு, அயலக மொழி தரநிலைகளின் அடிப்படையில், பயனுள்ள மொழி கற்பித்தல் முறைகள் மற்றும் சாத்தியக்கூறுகளை ஆராயும் ஆராய்ச்சிக் கட்டுரைகளைச் சமர்ப்பிக்க உங்களை அழைக்கிறோம்.