மூன்றாம் புலம்பெயர்ந்தோர் தமிழ்க்கல்வி மாநாடு - 2023
THIRD DIASPORA TAMIL EDUCATION CONFERENCE - 2023

மூன்றாம் புலம் பெயர்ந்தோர் தமிழ்க்கல்வி மாநாடு - 2023

2016ஆம் ஆண்டு மாநாட்டின் தொடர்ச்சியாக 2023ஆம் ஆண்டு மாநாடு திட்டமிடப்பட்டு வெற்றிகரமாக நடத்தப்பட்டது. இந்த மாநாட்டில் மொழிக் கல்வி பற்றிய அடிப்படைக் கருத்துகள், அதற்கேற்ற பொருத்தமான அணுகுமுறைகள் மற்றும் அவற்றின் அடிப்படையில் உருவாக்கப்பட்ட மொழிக் கல்விக்கான உத்திகள் போன்ற கருப்பொருள்களில் நிகழ்வுகள் நடந்தேறியது.

மாநாட்டின் மையக்கரு:

தமிழ் கற்றல், கற்பித்தல்
கேட்டல், பேசுதல், வாசித்தல், எழுதுதல் திறன் மேம்பாடு.

இம்மாநாட்டில் பின்வரும் தலைப்புகளில் நிகழ்ச்சிகள் நடத்தப்பட்டன

கேட்டல், பேசுதல், படித்தல், எழுதுதல் (LSRW), திறன்களை மாணாக்கர் மேம்படுத்திக்கொள்வதற்கும் கற்பித்தலில் ஆசிரியர்கள் சிறந்து விளங்குவதற்கும் பல்வேறு முறைகளும் உத்திகளும் பயன்படுத்தப்படுகின்றன. இவற்றிற்கான புதிய முறைகளை கண்டறிந்து, அவற்றை தமிழ் கற்பித்தலில் பயன்படுத்துவதற்கான சாத்தியக் கூறுகளைக் கண்டறிதல் போன்ற தலைப்புகளில் நிகழ்ச்சிகள் நடத்தப்பட்டன.

1. ஆய்வுக்கட்டுரைத் தலைப்புகள்

மொழி கற்பித்தல் திறன் மேம்பாட்டு உத்திகள்.
கேட்டல், பேசுதல், எழுதுதல், வாசித்தல் திறன்களை ஒருங்கிணைத்தல் முறைகள்.
மொழியைக் கையாள்வதற்கான புதிய அணுகுமுறைகள்.
செயல்பாட்டு அடிப்படையில் கற்றல் உத்திகள்.

2. மாணவர்களின் கட்டுரைப் படைப்புகள்

தமிழ் கற்றலில் எங்கள் அனுபவங்களும் எதிர்பார்ப்புகளும்
நான் ஏன் தமிழ் கற்கிறேன்?
நான் ஒரு தமிழாசிரியராக இருந்தால்…

3. பயிற்சிப் பட்டறைகள்

தடைகளைத் தாண்டிய கருத்து வெளிப்பாட்டிற்கான அணுகுமுறைகளும் உத்திகளும்.
மாணாக்கர் கற்றலில் முழுமையாக ஈடுபடுவதற்கும் மொழியைக் கையாள்வதற்குமான ஆக்கபூர்வமான கற்பித்தல் முறைகள்
புலம்பெயர் நாடுகளில் மொழித்திறன் மதிப்பீட்டிற்காக மேற்கொள்ளப்படும் பயனுள்ள முறைகள்.
ஆக்கபூர்வமாக கதை சொல்லுதலும், கற்றல் உத்திகளும்.
சூழ்நிலை அடிப்படையில் இலக்கணம் கற்பிக்கும் உத்திகள்.

4. மாணவர்கள் கலைநிகழ்ச்சி

உலகத் தமிழ்க்கல்வி கழகத்தின் 25ஆம் ஆண்டு விழாவைக் கொண்டாடும் வகையில் மாணவர்கள் கலைநிகழ்ச்சிகளை நிகழ்த்தினர்.

5. குழு கலந்துரையாடல்

உங்கள் நாட்டில் தமிழ்ப்பள்ளிகள் மற்றும் தமிழ்க் கல்வியை எவ்வாறு தொடங்கி இன்று நடத்திவருகிறீர்கள், மேலும், தமிழ்க் கல்வியின் வளர்ச்சிக்கு என்ன செய்கிறீர்கள்?

புலம்பெயர்ந்து வாழும் மாணவர்களுக்குத் தமிழ் மொழியைக் கற்பிக்க முயற்சிக்கும் போது எதிர்கொள்ளப்பட்ட வெற்றிகளும் சவால்களும்.

6. கண்காட்சி

பின்வரும் தலைப்புகளில், கண்காட்சி மூலம் தமிழர்களின் வரலாறு மற்றும் பண்பாட்டைப் பற்றிய விழிப்புணர்வு ஏற்படுத்தப்பட்டது.

தமிழர்களின் கட்டிடக்கலை
தமிழர்களின் பண்பாடு
தமிழர்களின் வரலாறு

7. அமெரிக்கத் தொழில் அதிபர்கள் கருத்தரங்கு

நம் இளைய தலைமுறையினருக்கு மொழியையும் கலாச்சாரத்தையும் எடுத்துச் செல்வதற்கு எந்தெந்த வகையில் ஆதரிக்கலாம் என்பதைப் பற்றி பேசும் ஒரு கருத்தரங்கம்.

8. தமிழ் இணையக் கல்விக்கழகத்தின் புத்தக அறிமுக விழா மற்றும் நிறைவு விழா.

கடந்த மூன்று மாநாடுகள் மூலம் உலகத் தமிழ்க் கல்விக்கழகம் அடைந்த நன்மைகள்

எங்கள் பள்ளிகளில் மழலையர், தொடக்கப்பள்ளி, நடுநிலைப்பள்ளி வகுப்புகள் வரை சொந்த புத்தகங்களை உருவாக்கியுள்ளோம்.
புத்தகத்துடன் சேர்ந்து வாசிக்கும் (Read along) புத்தகங்கள், பயிற்சிகள், விளையாட்டு ஆகியவற்றை இணையம் மூலம் மழலையருக்கும், ஒன்று முதல் நான்காம் வகுப்பு மாணவர்களுக்கும் உருவாக்கியுள்ளோம்.
மழலையர் பள்ளி முதல் 2ஆம் வகுப்பு வரை பேனாவுடன் கூடிய லீப் ரீடர் புத்தகங்களை உருவாக்கியுள்ளோம்.
மாநாட்டில் இடம் பெற்ற பட்டறை மற்றும் கட்டுரைகளில் இருந்து கற்றுக்கொண்ட, புதிய கற்பித்தல் முறைகளை எங்கள் பாடத்திட்டத்தில் சேர்த்துள்ளோம்.
ஆசிரியர்களுக்கும் மாணவர்களுக்கும் உதவ எங்கள் பள்ளியில் பட்டம் பெற்ற மாணவர்களை, ஆசிரியர்களின் உதவியாளர்களாக நியமித்து மாணவர்களுக்கு கற்பிக்க உற்சாகப்படுத்துகிறோம். இது அவர்களின் புரிதலை மேம்படுத்த உதவுகிறது. மேலும், இவர்கள் பள்ளியைச் சீராக நடத்துவதற்கு மென்பொருளையும் உருவாக்கிக் கொடுத்துள்ளனர்.
எங்கள் ஆசிரியர்களுக்குப் பல்வேறு நாடுகளில் இருந்து பயிற்சியாளர்களை வரவழைத்து பயிற்சி அளித்துள்ளோம்.
நாங்கள் எங்கள் சொந்த Learning Management System(LMS)ஐ உருவாக்கியுள்ளோம். இது மொழி கற்பதற்கு ஒரு தளத்தை உருவாக்குவதோடு எங்கள் முழு பாடத்திட்டத்தைப் பயிலவும், வீட்டுப்பாடங்களைச் செய்வதற்கான வசதிகளையும் உள்ளடக்கியுள்ளது.
நாங்கள் தமிழ்ப் பண்பாட்டை பாடத்திட்டம் வழி கற்பித்து அவர்கள் கற்ற திறன்களை ஆண்டுவிழா, கண்காட்சி ஆகிவற்றின் மூலம் வெளிப்படுத்தவும் ஏற்பாடு செய்து கொடுக்கிறோம். உலகில் உள்ள தமிழ் பேசும் மாணவர்களை தமிழில் தொடர்பு கொள்ள எங்கள் மாணவர்களுக்கு ஓர் இணையதளம் உருவாக்கி உள்ளோம் மியான்மருடன் இது செயல்படுத்தப்பட்டுள்ளது. இன்னும் பிற நாடுகளுடன் செயல்படுத்த முயற்சித்து வருகிறோம்.
அரசுப் பள்ளிகளில் தமிழ் மொழியைக் கற்பிக்க அமெரிக்காவின் பல மாவட்டங்களில் அனுமதி பெற்றுள்ளோம்.
தமிழ் இணையக்கல்வி கழகம் எங்கள் உயர்நிலைப் பள்ளி மாணவர்களுக்கான பாடப்புத்தகங்களை உருவாக்கியுள்ளது. இப்புத்தகங்களை உருவாக்க அயல்நாட்டு மொழிக்கான தரநிலை, மாணவர்களின் நிலை, அவர்களின் தேவை போன்ற பல்வேறு விவரங்களை சேகரிக்க உதவி செய்துள்ளோம்.

மூன்றாம் மாநாட்டின் தீர்மானங்கள்

திருக்குறளை இசையின் மூலம் அறிமுகப்படுத்தி நாங்கள் கற்றுக்கொடுக்கும் திருக்குறள்களை இசை வடிவில் உருவாக்குதல்.
புதிய செயலியை உருவாக்கி அதன் மூலம் இளைய மாணவர்கள் தமிழை (தமிழ்ப்பாடங்களை) எளிமையாகக் கற்க வழிவகை செய்தல்.
தொடக்கப்பள்ளி முதல் உயர்நிலைப் பள்ளிவரை பயிலும் மாணவர்களுக்கு எளிய வகையில் தமிழ் இலக்கணம் பயில செயற்கை நுண்ணறிவு (Al) மூலம் இயங்கும் செயலியை உருவாக்குதல்.
தமிழில் ஒவ்வொரு வார்த்தைக்கும் மாதிரி (sample) வாக்கியம் கொண்ட பட அகராதியை உருவாக்குதல்.
தமிழ் இணையக்கல்விக் கழத்தின் மூலம் உரையாடலுக்கான புத்தகங்களை உருவாக்குதல்.
தமிழ் இணையக்கல்விக் கழத்தின் மூலம் உலகம் முலுவதும் அயலக மாணவர்களுக்கான தேர்வு மையம் உருவாக்குதல்.
உலகத் தமிழக் கல்விக்கழகம் முற்போக்கு கல்வி முறையை அறிமுகப்படுத்தியுள்ளது. இக்கல்வி முறை மாணவர்களை மையப்படுத்தப்பட்ட ஒரு கல்வி முறை. இக் கல்வி முறையை உலகத் தமிழ்க் கல்விக்கழகத்தின் அனைத்துப் பள்ளிகளுக்கும் எடுத்துச் செல்லுதல்.

முடிவுரை

தாய்மொழி கற்று, அதன் விழுமங்களை உணர்ந்து, அவற்றைப் பின்பற்றுதலும் அவற்றை மற்றவர்க்குக் கற்பித்தலும் மனிதகுலத்தின் இன்றியமையாத கடமைகளாகும். காலத்திற்கேற்ப, நம் தமிழ்மொழியை வரும் தலைமுறைகளுக்கு கொண்டு செல்லத் தேவையான பணிகளை இந்த மாநாடு தொடர்ந்து செயல்படுத்தும். மொழி கற்பிப்பதில் உள்ள சவால்கள், சாத்தியங்கள், அணுகுமுறைகள், உத்திகள் போன்றவற்றை அனைத்துத் தமிழ் பள்ளிகளும் இம்மாநாட்டில் பகிர்ந்து கொள்ள முடியும். இதன் மூலம் புலம்பெயர்ந்த நாடுகளில் உள்ள அடுத்தடுத்தத் தலைமுறைகளுக்குத் தரமான கல்வியையும், தமிழர்கள் என்கிற அடையாளத்தோடு வாழ வழிமுறைகளை ஏற்படுத்தவும் இம்மாநாடு ஒரு நல்ல தளமாக அமையும் என்று நம்புகிறோம். தமிழ்க்கல்வி உள்ளவரை இந்த மாநாட்டின் பணி தொடரும்.