1. புலம்பெயர் நாடுகளில் வாழும் தமிழ் மாணவர்களுக்கு, சிறந்த தமிழ்க்கல்வியைக் கற்பிக்க தேவையான உதவிகள் செய்தல்.

• நாம் கற்றவைகள், அனுபவங்கள், தமிழ்க் கல்விமுறைகள், மற்றும் பாடப்பொருட்களை அனைத்து தமிழ்ப் பள்ளிகளுடனும் பகிர்ந்துக்கொள்ளுதல்.
• இணையம் மூலம், அவர்களின் தேவைகள் மற்றும் பிரச்சனைகளை மற்ற பள்ளிகளுடனும், தமிழ் அறிஞர்களுடன் பகிர்ந்து ஒரு நல்ல தீர்வைப் பெற வழிவகுத்து கொடுத்தல்.
• அனைத்து மாணவர்களும் பயன்பெறும் வகையில் இணையக் கல்வி (eLearning) மற்றும் மின் புத்தகத்தில் தமிழ்க் கற்பிக்க தேவையான உத்திகள், பாடப்பொருட்கள், மற்றும் தேவையான அளவு தொழில்நுட்பங்களை உருவாக்குதல்.

2. மாணவர்கள் மனதில் தமிழ் மீது ஆர்வம் உண்டாகும் வகையில் தமிழ்க் கற்றுக்கொடுத்தல். அதுமட்டும்மல்லாது நம் மாணவர்களுக்கு அவர்கள் அடையாளம் பற்றிய புரிதலை உணரவைத்து தமிழ் அடையாளத்தோடு வாழ வழிவகைச் செய்தல்.

• இன்றைய காலச்சூழலில் வாழும் மாணவர்களின் விருப்பத்திற்கேற்ப கல்வி முறைகள் மற்றும் தேர்வுமுறைகளை மாற்றி அமைத்து அவர்களுக்கு தமிழ்க் கற்றுக் கொடுத்தல்.
• எந்த அளவு எப்படிப்பட்ட முறையில் இலக்கணம் கற்றுக்கொடுப்பது என்கிற திட்டங்களைத் தீட்டி அதற்கேற்ப நம் கல்விமுறைகளை வகுத்தல்.
• மாணவர்களின் தமிழ் திறனை மேலும் வளர்க்கவும், அதை பயன்படுத்தவும் வாய்ப்புகளை உருவாக்கிக் கொடுத்தல்.
• மாணவர்களை மற்ற நாடுகளில் உள்ள புலம்பெயர்ந்த மாணவர்களோடு இணையம் மூலமோ, நேரிலோ சேர்ந்து செயல்பட வாய்ப்புகளை உருவாக்கிக் கொடுத்தல்.

3. பேச்சுத் தமிழும் எழுத்துத் தமிழும் சரியான வகையில் அவர்களுக்கு கொண்டு செல்ல வழிவகைகள் செய்தல்.

• தமிழ்மொழியை புலம்பெயர் நாடுகளில் தமிழல்லாத சூழ்நிலையில் வாழும் மாணவர்களுக்கு, எதை எப்படி கொண்டு சென்றால் சரியாக இருக்கும் என்கிற வழிமுறைகளை அனுபவமிக்க கல்வியாளர்கள் மற்றும் அறிஞர்கள் கருத்துக்களைக் கேட்டு அவற்றை நடைமுறைப்படுத்துதல்.

4. மொழிக்கல்வி பற்றிய முறைகளை ஆராய்ந்து தேவையான மாற்றங்களை பள்ளியிலும் கல்வித்திட்டத்திலும் செய்தல். 

• ஆசிரியர்களுக்கு மொழிக்கல்வி பற்றிய ஆய்வுகள், அணுகுமுறைகள், மற்றும் உத்திகளில் பயிற்சியளித்தல்.
• நடைமுறையில் உள்ள மொழிக்கல்வி அணுகுமுறைகள் மற்றும் உத்திகளை மற்ற மொழிக் கல்வியாளர்கள், தமிழ் அறிஞர்கள் போன்றோரிடமிருந்து கற்று அதை நம் தமிழ்க்கல்விக்கேற்ப அமைத்து, ஆசிரியர்களுக்கு பயிற்சியளித்து, தமிழ்க்கல்வியை நம் மாணவர்களுக்கு சிறப்புடன் அளித்தல்.

5. அடுத்த தலைமுறையினரைக் கொண்டு தமிழ்க்கல்வியை எடுத்துச் செல்ல வழிவகுத்தல்.

• நம் பள்ளியில், தமிழ்க்கல்வி பட்டம் பெற்ற மாணவர்களுக்கு மீண்டும் வகுப்புகளில் உதவும் வகையில் பயிற்சியளித்தல்.
• அவர்கள் கருத்துக்களையும் இத்தலைமுறையினருக்கு பிடித்த வழிமுறைகளைப் பற்றியும் அறிந்து செயல்பட அவர்களை பாடத்திட்டம் மற்றும் ஆசிரியர் பயிற்சிகளில் ஈடுபடுத்துதல்.